ನಿಲ್ಲಿಸದಿರು ಉಸಿರಾಟವ

 

17-05-2021

ನಿಲ್ಲಿಸದಿರು ಉಸಿರಾಟವ ನನ್ನಮ್ಮಾ......

ನಿಲ್ಲಿಸದಿರು ನನ್ನಮ್ಮ ಉಸಿರಾಟವ

ವಾಯುವನು ನೀ ನಿಯಂತ್ರಿಸು

ಅವನೊಡನೆ ಹೋಗದಿರು ಕತ್ತಲೆಯ ರಾತ್ರಿಯೊಳಗೆ ನುಸುಳಿ

ಇನ್ನೇನು ಬಂದೀತು ಕೊರೆಯಾದ ಆಮ್ಲಜನಕ......

 

ಮುಖವಾಡದಲ್ಲಿರಬೇಕು ದೂರನಿಲ್ಲಬೇಕು ನಾನು

ಎಷ್ಟುಹತ್ತಿರವಾದರೂ ಬಲುದೂರ ಸಮುದ್ರದ ನೀರು

ನಾನಿಲ್ಲೇ ನಿನ್ನ ಸನಿಹದಲ್ಲಿ! ಅಮ್ಮ ಕೇಳುವುದೇ ನನ್ನೀ ಕೂಗು!

ಇನ್ನೇನು ಬಂದೀತು ಬಂದೀತು ಆಮ್ಲಜನಕ......

 

ತಾತಮುತ್ತಾತಂದರು , ಅಜ್ಜಿಯರು ಕರೆದರೆಂಬ ನೆಪಬೇಡ

ಹೊಳೆವತಾರೆಗಳು ಮನಸೆಳೆದವೆನ್ನಬೇಡ

ಕಾಲವಿನ್ನೂ ಮುಗಿದಿಲ್ಲ , ತೆರಳದಿರು ನಮ್ಮನಗಲಿ!

ಇನ್ನೇನು ಬಂದೀತು ಬಂದೀತು ಆಮ್ಲಜನಕ......

 

ಹಾಲು ನೀಡುವವ, ಪೇಪರನು ಹಾಕುವವ

ನೆರೆಮನೆಯ ಪುಟ್ಟಹುಡುಗಿ ಅವಳಾ ಮುದ್ದುಬೆಕ್ಕು

ಅತ್ತೆ, ಅಮ್ಮ, ಅಕ್ಕ, ನಿನ್ನ ಹಿತೈಷಿಗಳು ಕಾದಿಹರು

ಇನ್ನೇನು ಬಂದೀತು ಬಂದೀತು ಆಮ್ಲಜನಕ.....[31] ..

 

ಯಮನೊಡನೆ ಹೋರಾಡುವ ಡಾಕ್ಟರುಗಳು

ಗಳಿಗೆಗೊಮ್ಮೆ ನಿನ್ನ ನೋಡುವ ನರ್ಸುಗಳು

ಎಲ್ಲರ ಶುಭಾಶಯವು ನಿನಗೆ, ಉಸಿರಾಡುತ್ತಿರಮ್ಮ

ಇನ್ನೇನು ಬಂದೀತು ಬಂದೀತು ಆಮ್ಲಜನಕ.......

 

 

 

ಆಮ್ಲಜನಕಕ್ಕಾಗಿ ಸಾಲಿನಲಿ ನಿಂತೆ ಗಂಟೆಗಂಟೆ ಗಳು

ಕಂಡಕಂಡವರ ಕೈಮುಗಿದೆ, ಬೇಡಿದೆ ಕೂಗಾಡಿದೆ

ಕೊನೆಗೆ ಕದ್ದುತಂದೆ , ದುರದೃಷ್ಟ ಸಿಲಿಂಡರ್ ಖಾಲಿ

ಇನ್ನೇನು ಸಿಕ್ಕೀತು ಸಿಕ್ಕೀತು ಆಮ್ಲಜನಕ......

 

ಮತ್ತೆ ಹುಡುಕಿದೆ ಬಿಡಲಿಲ್ಲ ಸಿಗುವನಕ

ಈಗಿನ್ನೂ  ಸಿಕ್ಕಿದೆ ಕೊನೆಗೊಮ್ಮೆ..ನನ್ನಮ್ಮ

ಕಾಲನಾಹತಿಗೆ ಸರಿಯದಿರು  ನಂಬು ನನ್ನನ್ನು

ಇನ್ನೇನು ಬಂದೀತು ಬಂದೀತು ಆಮ್ಲಜನಕ.......

 

ಉರಿವ ಧಗೆ, ಸುಟ್ಟಹೆಣಗಳ ಹೊಗೆಯಡಿಯಲ್ಲಿ ನಗರಗಳು

ಸುಡಲೂ ಆರದೆ ಬಂದುಬಿದ್ದ ಹೆಣಗಳ ಹೊತ್ತ ಗಂಗೆಯ ಮಡಿಲು

ಸಹಿಸಲಾರದೀ ಹೃದಯವೊಡೆವಾ ದೃಶ್ಯ! ನೀ ದೃಢವಾಗಿರಬೇಕು

ಇನ್ನೇನು ಬಂದೀತು ಬಂದೀತು ಆಮ್ಲಜನಕ......

 

ವಸಂತನ ಅಹ್ಲಾದ ಪೂರ್ಣಚಂದ್ರನ ತೇಜಸ್ಸು

ಕಾಣಿಸದೆ? ಕೇಳಿಸದೆ ಕೋಗಿಲೆಯ ಕುಹು ಕುಹು?

ದೀವಳಿಗೆ ಸಂಭ್ರಮವ ಕೊಡಲು ನೀನಿರಬೇಕು

ಇನ್ನೇನು ಬಂದೀತು ಬಂದೀತು ಆಮ್ಲಜನಕ......

ನಿನ್ನ ನಾ ಮನೆಗೆ ಕೊಂಡೊಯ್ಯುವೆನಮ್ಮಾ ಜೀವಸಹಿತ!

ಡಾ ಸತ್ಯವತಿ ಮೂರ್ತಿ

ಡಾ ಶಿವಪ್ರಸಾದ್ ಅವರ       OXYGEN CYLINDER    ಕವನದ ಭಾವಾನುವಾದ                                                     

 ಸೆಪ್ಟಂಬರ್ ೨೦೨೧ -ಮಾಸದ ಕಸ್ತೂರಿಯಲ್ಲಿ ಪ್ರಕಟವಾಗಿದೆ.ಪ್ರಕಟವಾಗಿದೆ.

ವಿಡಿಯೋ ತಯಾರಾಗಿ ಯು ಟ್ಯೂಬ್ ನಲ್ಲಿದೆ

ಡಾ.ಸತ್ಯವತಿ ಮೂರ್ತಿ ಯವರ ವಾಚನಕ್ಕೆ ಶ್ರೀ ಮುಖೇಶ್ ಅವರು ಸಂಗೀತ ಸಂಯೋಜನೆ  ಮಾಡಿರುತ್ತಾರೆ.

Comments

Post a Comment

Popular posts from this blog

ದೇವಾ ಕರುಣೆಯ ನು ತೋರ ಲಾರೆಯ

 ದೇವಾ ಕರುಣೆಯ ನು ತೋರ ಲಾರೆಯ ಮುನಿಸಿಂ ದನೀ ಛಲವಾಂತು ನಿಂದೆಯ ಎಲ್ಲೆಡೆ  ನಿನ್ನನೆ  ಅರಸುತ ನಡೆದೇ ನಿನ್ನನೆ ಸತತವು ಅರ್ಚಿಸಿ ದಣಿದೇ ನಿನ್ನಯ ಪಾದಕೆ ಎನ್ನನೆ ಮಣಿದೇ ಎನ್ನಯ  ಕಾಯುವ ಗುರು ನೀ ನೆಂದೇ/೧/ ಪಾಪದ ಬದುಕಿಗೆ ರೋಸಿದೆ ಜೀವಾ ನಿನ್ನನು ಕಾಣದೆ  ಮಿಡಿದಿದೆ ನೋವಾ ಶಾಂತಿಯ ಕರುಣಿಸು ನೋವನು ಹರಿಸೂ ಕ್ಲೇಶವನೆಲ್ಲವ ಕೊನೆಗೊಳಿಸು ಹರಸು//೨// ಅನಸೂಯೆಗಂದೊಲಿದೆಯೋ ಗುರುವೇ ಸೌಮಿನಿಯನಂದು ಕಾಯ್ದೆಯೋ ನೀನು ದೀನಳ ಮೇಲೀ ಕೋಪವಿದೇಕೋ ಕಾಯೋ ಗಾಣಗಾ ಪುರದರಸನೇ /೩ ಡಾ ಸತ್ಯವತಿ ಮೂರ್ತಿ- ಗಾಯನ  ಸುರೇಖ ಹೆಗ್ಗಡೆ
Read more

ಕವಾಲಿ

  ಇದ್ದರೆ ಶಾಲೆಗೆ ನಿತ್ಯವೂ ರಜ   ಮಕ್ಕಳಿಗೆಲ್ಲ ಮಜವೋ ಮಜ   ಪಾಠದ ಗೋಜು ಇಲ್ಲವೇ ಇಲ್ಲ   ಆಟವೇ ಆಟ ಇಡಿ ದಿನವೆಲ್ಲ  ಇದ್ದರೆ ಶಾಲೆಗೆ ನಿತ್ಯವೂ ರಜ ಆದೀತು ಮಕ್ಕಳ ಪಾಲಿಗೆ ಸಜ ಬರಬೇಕು ಒಮ್ಮೊಮ್ಮೆನಡುವಲಿ ರಜ ಹಾಲಿಗೆ ಸಕ್ಕರೆ ಬೆರತಂತೆ ನಿಜ ಬೆಳಗಾಯ್ತು ಎಂದರೆ ಶಾಲೆಗೆ ಓಟ  ಸಂಜೆಗೆ ಬರುವುದು ಟ್ಯೂಷನ್ ಕಾಟ   ರಾತ್ರಿಬೆಳಗೂ ಓದುವ ಭೂತ   ಟಿವಿ ಆಟ ಎಲ್ಲವೂ ಖೋತ ಬೆಳಗಾದ್ರೆ ಶಾಲೆಗೆ ಹೋಗುವ ಸಡಗರ ರಾತ್ರಿಗೆ ಟ್ಯೂಷನ್ಇದ್ದರೆ ಆದರ  ರಾತ್ರಿಬೆಳಗೂ ಪಾಠವನೋದಲು  ಸಂಜೆಯ ಸಮಯದಿ ಆಟವೇ ಆಟ                                         ಬಿಳಿಷೂಸಿಗಾಗ್ಬೇಕು ಆಗಾಗ್ಗೆ ಪಾಲಿಷು                                         ಕರಿಷೂಸಿಗಾಗ್ಬೇಕು ನಿತ್ಯವೂ ಮಾಲೀಷು           ...
Read more

ಹೊಂದಾಣಿಕೆ

  ಹೊಂದಾಣಿಕೆ   ಚೆದುರಿದ ಕಾಳನು ಅನ್ನದ ಅಗುಳನು ರೊಟ್ಟಿಯ ತುಣುಕನು ಚುಂಚಿನಲಿ ಒಂದನೂ ಬಿಡದೆ ಭೇದವ ಮಾಡದೆ ರುಚಿ ಅರುಚಿಗೆ ಕಾಲ ಕಳೆಯದೆ   ಅಪ್ಪ ಅಮ್ಮದಿರು ಅಕ್ಕತಂಗಿಯರು ಅಣ್ಣ ತಮ್ಮದಿರು ಬಂಧುಬಾಂಧವರು ಅಕ್ಕಪಕ್ಕದ ಅವರಿವರೆಲ್ಲರು ಕೂಡಿ ತಿನ್ನುತಿವೆ ಸಮಭೋಗದಲಿ ಸಮಭಾಗದಲಿ   ಶೀಘ್ರದಿ ನುಂಗಿ ಮುಗಿಸಲು ಬೇಕು ಹೊತ್ತನು ಮೀರದೆ ಹೋಗಲು ಬೇಕು ಗೂಡಲಿ ಹಸಿವೆಗೆಕಿರುಚುವ ಮರಿಗೆ ಹೊಟ್ಟೆಗೆ ತುತ್ತನು ಒಯ್ಯಲು ಬೇಕು   ಒಮ್ಮೆ ಒಂದು ಗುಟುಕನು ಹಿಡಿದು ಬಂದಿತು ದೂರದ ಮಾಡಿನ ಮೇಲ್ಗಡೆ ಉಳಿದವು ಹೆಕ್ಕಲು ಅನುವನು ಕೊಡುತ ತನ್ನಯ ಕೊಕ್ಕಿನ ಊಟವ ಮುಗಿಸಲು.   ಒಮ್ಮೆಯು ಒಂದರ ಕಚ್ಚಾಟವ ಕಾಣೆ ಜಗಳವದಂತೂ ಇಲ್ಲವೆ ಇಲ್ಲ ಸರದಿಗೆ ಕಾಯುತ ತಾಳ್ಮೆಯ ಲಿರುವರು ಎಲ್ಲರು ಅಲ್ಲಿ ಸಮಭಾಗಿಗಳು   ಕೂಡಿ ಬಾಳುವುದರಲ್ಲಿ ಸುಖವಿದೆ ಒಗ್ಗಟ್ಟಿನಲ್ಲಿ ಎಲ್ಲರ ಬಲವಿದೆ ಭೂಮಿಯು ಇತ್ತುದು ಎಲ್ಲರ ಸ್ವತ್ತು ಸ್ವಾರ್ಥಕೆ ಹಮ್ಮಿಗೆ ಇಲ್ಲವು ಹೊತ್ತು   ಹೊಂದಾಣಿಕೆಯಿದು ಮನುಜನಲ್ಲಿಲ್ಲ ಹಕ್ಕಿಯ ನೋಡಿಯೂ ಕಲಿಯುವುದಿಲ್ಲ ನಾನು ನನ್ನದು ಸ್ವಾರ್ಥವದಿಲ್ಲದೆ ಸಮತಾಭಾವವ ಹೇಳುತ್ತವಲ್ಲ!   ಅದಂದಿನ ಜೀವನ ಅಂದಿಗೆ ಮೀಸಲು ಬರುವುದು ನಾಳೆ ಏನೇ ಇರಲಿ ಇಂದಿನ ಬದುಕನು ಬದುಕುವ ತಂತ್ರವ ಹಕ್ಕಿಯ ನೋಡಿ ಕಲಿಯಲು ಬೇಕು   ...
Read more