ಕವಾಲಿ

ಇದ್ದರೆ ಶಾಲೆಗೆ ನಿತ್ಯವೂ ರಜ 

ಮಕ್ಕಳಿಗೆಲ್ಲ ಮಜವೇ ಮಜ

ಒಡುವ ಗೋಜು ಇಲ್ಲವೇ ಇಲ್ಲ 

ಆಟವೇ ಆಟ ಇಡಿ ದಿನವೆಲ್ಲ

ಇದ್ದರೆ ಶ್ಹಲೆಗೆ ನಿತ್ಯವೂ ರಜ

ಆದೀತು ಮಕ್ಕಳ ಪಾಲಿಗೆ ಸಜ

ಬರಬೇಕು ಒಮ್ಮೊಮ್ಮೆ ನಡುವಲಿ ರಜ

ಹಾಲಿಗೆ ಸಕ್ಕರೆ ಬೆರೆತಂತೆ ನಿಜ

ಬೆಳಗಾಯ್ತು ಎಂದರೆ ಶಾಲೆಗೆ ಓಟ

ಸಂಜೆಗೆ ಬರುವುದು ಟ್ಯೂಷನ್ ಕಾಟ

ರಾತ್ರಿ ಬೆಳಗೂ ಓದುವ ಭೂತ

ಟಿ.ವಿ.ಆಟ ಎಲ್ಲವೂ ಖೋತ

ಬೆಳಗಾದ್ರೆ ಶಾಲೆಗೆ ಹೋಗುವ ಸಡಗರ

ರಾತ್ರಿಗೆ ಟ್ಯೂಷನ್ ಇದ್ದರೆ ಆದರ

ರಾತ್ರಿಬೆಳಗೂ ಪಾಠವನೋದಲು

ಸಂಜೆಯ ಸಮಯದಿ ಆಟವೇ ಆಟ

ಬಿಳಿ ಷೂಸಿಗಾಗ್ಬೇಕು ಆಗಾಗ್ಗೆ ಪಾಲೀಷು

ಕರಿಷೂಸಿಗ್ಮಾಡ್ಬೇಕು ನಿತ್ಯವೂ ಮಾಲೀಷು

ಇಸ್ತ್ರೀನ ಮಾಡ್ಬೇಕು ಬಟ್ಟೆಗಳನೊಗೆದು

ಟೈ ಅಂತೂ ಕಟ್ಬೇಕು ಕುತ್ತಿಗೆಗೆ ಬಿಗಿದು

ಬಿಳಿಯ ಷೂಸು ಕರಿಯ ಷೂಸು 

ನೋಡೋಕ್ಕೆ ಚೆನ್ನ ಮಕ್ಕಳಾ ಪೋಸು

ಮಾಡಿದ್ರೆ ಬಟ್ಟೆಗಳನೊಗೆದೊಗೆದು ಇಸ್ತ್ರೀ

ಶಿಸ್ತಿನ ಸಿಪಾಯಿ ಹೆಚ್ಚೇನು ಮಿಲ್ಟ್ರಿ

ಕೊಡ್ತಾರೆ ಸ್ಕೋಲಲ್ಲಿ ಗಾಡಿಹೋಂವರ್ಕೂ

ಮಾಡ್ದಿದ್ರೆ ನೀಡ್ತಾರೆ  ಮೈನಸ್ಸು ಮಾರ್ಕೂ

ಬೈಯ್ತಾರೆ ಕಿವಿಯನ್ನು ಹಿಂಡುತ್ತ ಟೀಚ

ಆಗ್ತೀವಿ ಅಲ್ಲಿಯೇ ನಾವಂತು ಪಂಕ್ಚರು

ಮಾಡಿದ್ರೆ ಸರಿಯಾಗಿ ಕೊಟ್ಟ ಹೋಂವರ್ಕು

ಬಂದೇ ಬರುತ್ತೆ ಟೆಸ್ಟ್ನಲ್ಲಿ ಮಾರ್ಕುಮಾರ್ಕು

ಓದು ಬರಹವ ಕಲಿಯಲು ಬೇಕಣ್ಣ

ಅದಿಲ್ಲದೆ ಹೋದರೆ ಎಮ್ಮೆಯ ಕೋಣ

ಲೆಕ್ಕವ ಕಲಿಯೋದು ಬಹಳ ಕಷ್ಟಕರ

ಮಗ್ಗೀಯ ಕಲಿಯೋದು ನಮ್ಮ ದುರದ್ರುಷ್ಟ

ವಿಜ್ಞಾನದಲ್ಲಿ ವಿನೋದ ಕಾಣದು

ಅಜ್ಞಾನವಿದ್ದರೂ ಆನಂದ ಸಾಕದು

ಮ್ಯಾಥ್ಸನ್ನ ಕಲಿಯೋಕೆ ನಾಚಿದ್ರೆ  ಕಷ್ಟ

ಮನವಿಟ್ಟು ಕಲಿಯಲು ಪೂರ್ಣವು ನಿಮ್ಮಿಷ್ಟ

ಮಗ್ಗಿಯ ಕಲಿಯಲು ಜೀವನ ಪಕ್ಕ

ಲೆಕ್ಕವೆ ಇರದಿಹ ಜೀವನ ವೇಸ್ಟಕ್ಕ

ವಿಜ್ಞಾನದಲ್ಲೇ ವಿನೋದವೆಲ್ಲ

ಅಜ್ಞಾನ ತರುವುದು ಆನಂದವಲ್ಲ

ಕನ್ನಡ ನಮ್ಮದು ಕಸ್ತೂರಿ ನೋಡು

ಕಲಿಯಲು ಬಹಳ ಸರಳ ಸುಲಭವು ನೋಡು

ಇಂಗ್ಲಿಷು ಗಿಂಗ್ಲಿಷು ಬರಿ ಶೋಪೀಸು

ಸ್ಪೆಲ್ಲಿಂಗು ಗಿಲ್ಲಿಂಗು ಬಹಳೇ ತ್ರಾಸು

ಕನ್ನಡದಲ್ಲಂತು ಆದ್ರೆ ನಪಾಸು 

ಆಗುತ್ತೆ ನಮ್ಮದು ಹೋಪ್ಲೆಸ್ಸು ಕೇಸು

ಇಂಗ್ಲಿಷು ಗಿಂಗ್ಲಿಷು ಅನ್ಬೇಡ ಶೋಪೀಸು

ಪ್ರಪಂಚ ತಿಳಿಯಲು ಇಂಗ್ಲಿಷು ಸಲೀಸು

ಕನ್ನಡ ನಮ್ಮ ಜೀವನದ ಉಸಿರು

ಕನ್ನಡ ನೆಲವೇ ನಮ್ಮಯ ಬೇರು

ಉರಿಹೊಡಿಬೇಕು ಪುಟಗಟ್ಲೆ ಹಿಸ್ಟ್ರಿ

ತಿಳಿಯದು ನನಗದರಲ್ಲೇನಿದೆ ಮಿಸ್ಟ್ರಿ

ಏಕಾಗಿ ಹುಟ್ಟಿದ್ಯೋ ಇ ನಮ್ಮ ಭೂಗೋಳ

ಕೇಳೋವ್ರು ಯಾರಿಲ್ವೆ ಈ ನಮ್ಮ ಗೋಳ

ನಿತ್ಯವು ಪುಟಗಟ್ಲೆ ಹಿಸ್ಟ್ರಿ ಓದ್ದಾಗ

ಗತಕಾಲದ ಸಂಸ್ಕ್ರತಿಯ ತಿಳಿಯುವೆ ಆಗ

ಹುಟ್ಟದೆ ಇದ್ದಿದ್ದ್ರೆ ಈ ನಮ್ಮ ಭೂಗೋಳ

ನೀನೆಲ್ಲಿ ಇರ್ತಿದ್ದೆ ಹೇಳೋಕ್ಕೆ ಗೋಳ

ಬಿಸಿಲಲ್ಲಿ ಒಣಗುತ್ತ ಮಾಡ್ಬೇಕು ಪೀಟೀನ

ನೋಡಿದ್ರ ನಮ್ಮಂಥ ಮಕ್ಕಳಾ ಪಿಟೀನ

ಬಾಯಾರಿ ಬಾಯ್ ಬಾಯ್ ಬಿಡ್ತಿದ್ರೆ ಸುಸ್ತಾಗಿ

ಟೀಚರು  ಕೂಗ್ತಾರ ನಿಲ್ಲಿರಿ ಶಿಸ್ತಾಗಿ

ಬಿಸಿಲೋ ನೆರಳೋ ಮಾಡಲು ಡ್ರಿಲ್ಲು

ಸಿಗುತ್ತೆ ಶಿಸ್ತಂತು ಈ  ನಮ್ಮ ಲೈಫ಼ಲ್ಲು 

ಕಾಂಟೆಸ್ಟು ಮಾಡಲು ಓ ನನ್ನ ಕೂಸೆ

ಶಾಲೆಯ ಬಾಳಂತು ಸಂತಸದ ಮೂಸೆ

ಪ್ರಣಿಗಳು ಪಕ್ಶಿ ಹೂವು ಹಣ್ಣು 

ಬರಿಬೇಕು ಅಂತಾರೆ ಬಿಡ್ತೀವಿ ಕಣ್ಣು

ಗಣಪತಿ ಬರಿ ಅಂದ್ರೆ ಆಗುತ್ತೆ ಅವರಪ್ಪ

ಚಿತ್ರವು ಬರೆಯುವ ಕಾಟವು ಸಾಕಪ್ಪ

ಪ್ರಾಣಿಗಳು ಪಕ್ಶಿ ಹೂವು ಹಣ್ಣು

ಬರೆಯಲು ಸಿಗುವುದು ಬಣ್ಣಗಳ ಹೊನ್ನು

ಗಣಪತಿ ಬರೆಯದೆ ಶಿವನ್ನನ್ನೆ ಬರೆದರು

ಸಿಗುವುದು ಮನಸಿಗೆ ನೆಮ್ಮದಿಯ ಹೊದರು

ಹಾಡ್ಬೇಕು ಮ್ಯೂಸಿಕ್ಕು ಬರಿಬೇಕು ಎಸ್ಸೆ

ಆಟವು ನೋಟವು ಎಲ್ಲವು ಪುಸ್ಸೆ

ಮಾರ್ಕ್ಸ್ ಕಾರ್ಡು ಹಣೆಯ ಬರಹದ ಠಸ್ಸೆ

ಈ ಸ್ಕೂಲು ಲೈಫ಼ಂತು ಬರಿ ಬೋರು ಪುಸ್ಸೆ

ಇಂದಿನ ಈ ನಿನ್ನ ಆಟದ ಹಂಬಲು

ಮುಂದಿನ ಬಾಳಿನ ದುಖಕ್ಕೆ ಮೆಟ್ಟಿಲು

ಚಿಕ್ಕಂದಿನಲ್ಲಿ ಓದಲು ಮಗುವೆ

ಮುಂದಿನ ಜೀವನ ತರುವುದು ನಗುವೆ

ಹಗಲೂ ಇರುಳೂ ಆಟದ ಹಂಬಲು

ಮರೆಸಿತ್ತು ಎನಗೆ ಜೀವನದ ಗೋಲು

ಒಪ್ಪಿದೆ ನಿನ್ನ ಮಾತು ತೆರೆಸಿದೆ ಕಣ್ಣು

ವಿದ್ಯೆಯೊಂದಿರಲು ಲೈಫ಼ದು ಸಿಹಿ ಹಣ್ಣು