ಬಂದಿತು ಬಂದಿತು ದೀಪಾವಳಿ

ಬಂದಿತು ಬಂದಿತು ದೀಪಾವಳಿ

ತಂದಿತು ತಂದಿತು ಪ್ರಭಾವಳಿ

ಮಲಗಿಹ ಜನರನು ಎಚ್ಚರಿಸುತಲಿ

ನಿದ್ದೆಯ ಹರಿಸಿ ಬೆಳಕನು ತೋರುತ 

ರವಿಯದು ತಾನ್ರೆ ಉದಯಿಪ ಮೊದಲೇ

ಸುರು ಸುರು ಬತ್ತಿಯ ಬೆಳಕನು ನೀಡಿ/ ದೀಪಾವಳಿ ಅಹ ದೀಪಾವಳಿ

ನರಕನ ವಧೆಯ ನೆನಪಿಗೆ ತರುವ 

ಪಟಾಕಿ ಶಬ್ದವ ತನ್ನೊಳು ಹೊತ್ತು

ತ್ಯಾಗಶೀಲ ಬಲೀಂದ್ರ ದೇವನ 

ಪೂಜಿಸಿ ಪಾಡುವ ಹರುಷವ ಹೊತ್ತು / ದೀಪಾವಳಿ  ಅಹ ದೀಪಾವಳಿ

ಸೋದರರನ್ನೇ ಆದರಿಸುತಲಿ

ಸೋದರ ಬಿದಿಗೆಯ ಸಂಭ್ರಮ ತೋರಿ

ಸಡಗರವನ್ನೆ ಹ್ರದಯದ್ ತುಂಬಿ

ನೋವನು ಮರೆಸುವ ಶಕ್ತಿಯ ಹೊತ್ತು/ ದೀಪಾವಳಿ ಅಹ ದೀಪಾವಳಿ

ಜನದ ಮನದ ತಮವನು ಕಳೆಯುತ 

ದೀಪದ ಬೆಳಕನು ಎಲ್ಲೆಡೆ ಚೆಲ್ಲಿ

ಜ್ಞಾನ ಜ್ಯೋತಿಯ ಹಚ್ಚುವ ತೆರದಿ

ಉರಿಯಿತು ಎಲ್ಲೆಡೆ ದೀಪಗಳಾವಳಿ/ ದೀಪಾವಳಿ ಅಹ ದೀಪಾವಳಿ