ಜ್ಯಾಮಿತಿ ಜೀವನ

 

ನಾವು

ಕೇಂದ್ರ  ಬಿಂದುವಿನ ಸುತ್ತ

ನಿಶ್ಚಿತ ದೂರ

ತಿರುಗುವ ತ್ರಿಜ್ಯಗಳು

ಕೇಂದ್ರವನ್ನೇ ಮುಟ್ಟಲು

ಸೆಣಸುತ್ತಿರುವ ಭ್ರಮರ ಬಿಂದುಗಳು

ನಾವು

ವ್ರತ್ತದ ಪರಿಧಿಯಲ್ಲೇ ಚಲಿಸುತ್ತ ಚಲಿಸುತ್ತ

ಹೇಗೋ ಹತ್ತಿರವಾಗಲು ಯತ್ನಿಸುತ್ತಿರುವ

ಮೂರ್ಖರು ನಾವು

ಓ ಪ್ರಿಯರೆ ಮುಕ್ತಿಎಂಬ ಬಿಂದು ಕೇಂದ್ರ

ತಾಕುವುದು ಅನಿಶ್ಚಿತ

ಆದರೂಕೇಮ್ದ್ರ ಮುಟ್ಟಲು ಯಾವುದೋ

ಆಕರ್ಷಣೆ ಸೆಳೆತಸೆಳೆತ

ಕೊನೆಗೆ ಅಲ್ಲೇ ಗಸ್ತು ಹೊಡೆದು

ಸೋಲೊಪ್ಪಿಕೊಳ್ಳುವ ಭೂಪರು ನಾವು

ನಿನ್ನೆಯೂ , ಇಂದೂ ನಾಳೆಯೂ

ಮುಟ್ಟಲಾರದ ನಿತ್ಯ ನಿರಾಶೆಯ

ಉರುಳಿಗೆ

ಕೊರಳು ಕೊಟ್ಟವರು ನಾವು

ಇಲ್ಲಾಸಿಕ್ಕ ಬಿಂದುವನ್ನೇ ಕೇಂದ್ರವೆಂದು ಭ್ರಮಿಸಿ ತಬ್ಬುವವರು

ನಾವು

ಉದಯವಾಣಿ - ಪತ್ರಿಕೆಯಲ್ಲಿ ಪ್ರಕಟವಾಗಿದೆ.