ಕವಾಲಿ

 ಇದ್ದರೆ ಶಾಲೆಗೆ ನಿತ್ಯವೂ ರಜ

 ಮಕ್ಕಳಿಗೆಲ್ಲ ಮಜವೋ ಮಜ

 ಪಾಠದ ಗೋಜು ಇಲ್ಲವೇ ಇಲ್ಲ

 ಆಟವೇ ಆಟ ಇಡಿ ದಿನವೆಲ್ಲ

 ಇದ್ದರೆ ಶಾಲೆಗೆ ನಿತ್ಯವೂ ರಜ

ಆದೀತು ಮಕ್ಕಳ ಪಾಲಿಗೆ ಸಜ

ಬರಬೇಕು ಒಮ್ಮೊಮ್ಮೆನಡುವಲಿ ರಜ

ಹಾಲಿಗೆ ಸಕ್ಕರೆ ಬೆರತಂತೆ ನಿಜ

ಬೆಳಗಾಯ್ತು ಎಂದರೆ ಶಾಲೆಗೆ ಓಟ

 ಸಂಜೆಗೆ ಬರುವುದು ಟ್ಯೂಷನ್ ಕಾಟ

 ರಾತ್ರಿಬೆಳಗೂ ಓದುವ ಭೂತ

 ಟಿವಿ ಆಟ ಎಲ್ಲವೂ ಖೋತ

ಬೆಳಗಾದ್ರೆ ಶಾಲೆಗೆ ಹೋಗುವ ಸಡಗರ

ರಾತ್ರಿಗೆ ಟ್ಯೂಷನ್ಇದ್ದರೆ ಆದರ

 ರಾತ್ರಿಬೆಳಗೂ ಪಾಠವನೋದಲು

 ಸಂಜೆಯ ಸಮಯದಿ ಆಟವೇ ಆಟ

                                ಬಿಳಿಷೂಸಿಗಾಗ್ಬೇಕು ಆಗಾಗ್ಗೆ ಪಾಲಿಷು

                                ಕರಿಷೂಸಿಗಾಗ್ಬೇಕು ನಿತ್ಯವೂ ಮಾಲೀಷು

                                ಇಸ್ತ್ರೀನ ಮಾಡ್ಬೇಕು ಬಟ್ಟೆಗಳನೊಗೆದು

                                ಟೈ ಅಂತೂ ಕಟ್ಬೇಕು ಕುತ್ತಿಗೆಗೆ ಬಿಗಿದು

                                ಬಿಳಿಯ ಷೂಸು ಕರಿಯ ಷೂಸು
                                ನೋಡೋಕ್ಕೆ ಚೆನ್ನ ಮಕ್ಕಳಪೋಸು
                                ಮಾಡಿದ್ರೆ ಬಟ್ಟೇಗಳನೊಗೆನೊಗೆದು ಇಸ್ತ್ರೀ
                                ಶಿಸ್ತಿನ ಸಿಪಾಯಿ ಹೆಚ್ಚೇನು ಮಿಲ್ಟ್ರಿ

                                ಕೊಡ್ತಾರೆ ಸ್ಕೂಲ್ನಲ್ಲಿ ಗಾಡಿ ಹೋಂವರ್ಕೂ

                                ಮಾಡ್ದಿದ್ರೆ ನೀಡ್ತಾರೆ ಮೈನೆಸ್ಸು ಮಾರ್ಕೂ

                                ಬೈತಾರೆ ಕಿವಿಯನ್ನು ಹಿಂಡುತ್ತ ಟೀಚರ್ರು

                                ಆಗ್ತೀವಿ ನಾವಂತು ಅಲ್ಲಿಯೇ ಪಂಕ್ಚರ್ರು

                                ಮಾಡಿದ್ರೆ ಸರಿಯಾಗಿ ಕೊಟ್ಟ ಹೋಂವರ್ಕು
                                ಬಂದೇ ಬರುತ್ತೆ ಟೆಸ್ಟನಲ್ಲಿ ಮಾರ್ಕು
                                ಓದುಬರಹವ ಕಲಿಯಲು ಬೇಕಣ್ಣ
                                ಅದಿಲ್ಲದೆ ಹೋದ್ರೆ ಎಮ್ಮೆಯ ಕೋಣ

                                ಲೆಕ್ಕವ ಕಲಿಯೋದು ಬಹಳ ಕಷ್ಟ

                                ಮಗ್ಗೀಯ ಕಲಿಬೇಕು ನಮ್ಮದುರದ್ರಷ್ಟ

                                ವಿಜ್ಞಾನದಲ್ಲಿ ವಿನೋದ ಕಾಣದು

                                ಅಜ್ಞಾನವಿದ್ದರೂ ಆನಂದ ಸಾಕದು

                                ಮ್ಯಾಥ್ಸನ್ನ ಕಲಿಯೊಕ್ಕೆ ನಾಚಿದ್ರೆ ಕಷ್ಟ
                                ಮನವಿಟ್ಟು ಕಲಿಯಲು ಪೂರ್ಣವು ನಮ್ಮಿಷ್ಟ
                                ಮಗ್ಗಿಯ ಕಲಿತರೆ ಜೀವನ ಪಕ್ಕ
                                ಲೆಕ್ಕವೆ ಇರದಿಹ ಜೀವನ ವೇಸ್ಟಕ್ಕ

                                ಇಂಗ್ಳಿಷು ಗಿಂಗ್ಲೀಷು ಬರಿ ಷೋಪೀಸು

                                ಸ್ಪೆಲ್ಲಿಂಗು ಗಿಲ್ಲಿಂಗು ಬಹಳೇ ತ್ರಾಸು

                                ಕನ್ನಡದಲ್ಲಂತು ಆದ್ರೆ ನಪಾಸು

                                ಆಗುತ್ತೆ ನಮ್ಮದು ಹೋಪ್ಲೆಸ್ಸು ಕೇಸು

                                ಇಂಷು ಗಿಂಗ್ಲೀಷು ಅನ್ಬೇಡ ಷೋಪೀಸು
                                ಪ್ರಪಂಚತಿಳಿಯಲು ಇಂಗ್ಲೀಷು ಸಲೀಸು
                                ಕನ್ನಡ ನಮ್ಮ ಜೀವನದ ಉಸಿರು
                                ಕನ್ನಡನೆಲವೇ ನಮ್ಮಯ ಬೇರು

                                ವಿಜ್ಞಾನದಲ್ಲೇ ವಿನೋದವೆಲ್ಲ
                                ಅಜ್ಞಾನ ತರುವುದು ಆನಂದವಲ್ಲ
                                ಕನ್ನಡನಮ್ಮದು ಕಸ್ತೂರಿ ನೋಡು
                                ಕಲಿಯಲು ಸರಳ ಸುಲಭವು ನೋಡು

                                ಉರುಹೊಡೀಬೇಕು ಪುಟಗಟ್ಲೆ ಹಿಸ್ಟ್ರಿ

                                ತಿಳಿಯದು ಅದರೊಳಗೇನಿದೆ ಮಿಸ್ಟ್ರಿ

                                ಏಕಾಗಿ ಹುಟ್ಟಿದ್ಯೋ ಇ ನಮ್ಮ ಭೂಗೋಳ

                                ಕೇಳೋವ್ರು ಯಾರಿಲ್ವೆ ಈ ನಮ್ಮ ಗೋಳ

                                ನಿತ್ಯವು ಪುಟಗಟ್ಲೆಹಿಸ್ಟ್ರಿ ಓದ್ದಾಗ
                                ಗತಕಾಲದ ಸಂಸ್ಕೃತಿಯ ತಿಳಿಯುವೆ ಆಗ
                                ಹುಟ್ಟದೆ ಇದ್ದಿದ್ರೆ ಈ ನಮ್ಮ ಭೂಗೋಳ
                               ನೀನೆಲ್ಲಿ ಇರ್ತಿದ್ದೆ ಹೇಳೋಕೆ ಗೋಳ

                               ಬಿಸಿಲಲ್ಲಿ ಒಣಗುತ್ತ ಮಾಡ್ಬೇಕು ಪೀಟೀನ

                                ನೋಡಿದ್ರ ನಮ್ಮಂಥ ಮಕ್ಕಳಾ ಪಿಟೀನ

                                ಬಾಯಾರಿ ಬಾಯ್ ಬಾಯ್ ಬಿಡ್ತಿದ್ರೆ ಸುಸ್ತಾಗಿ

                                ಟೀಚರ್ರು ಕೂಗ್ತಾರೆ ನಿಲ್ಲೀರಿ ಶಿಸ್ತಾಗಿ

                                ಬಿಸಿಲೋ ನೆರಳೋ ಮಾಡಲು ಡ್ರಿಲ್ಲು

                                ಸಿಗುತ್ತೆ ಶಿಸ್ತಂತು ಈ ನಮ್ಮ ಲೈಫಲ್ಲು
                                ಕಂಟೆಸ್ಟು ಮಾಡಲು ಓ ನನ್ನ ಕೂಸೆ
                                ಶಾಲೆಯ ಬಾಳಂತು ಸಂತಸದ ಮೂಸೆ

                                 ಪ್ರಾಣಿಗಳು ಪಕ್ಷಿ ಹೂವು ಹಣ್ಣು

                                ಬರಿಬೇಕು ಅಂತಾರೆ ಬಿಡ್ತೀವಿ ಕಣ್ಕಣ್ಣು

                                ಗಣಪತಿ ಬರಿ ಅಂದ್ರೆ ಆಗುತ್ತೆ ಅವರಪ್ಪ

                                ಚಿತ್ರವ ಬರೆಯುವ ಕಾಟವು ಸಾಕಪ್ಪ

                                ಪ್ರಾಣಿಗಳು ಪಕ್ಷಿ ಹೂವು ಹಣ್ಣು

                                ಬರೆಯಲು ಸಿಗುತ್ತೆ ಬಣ್ಣಗಳ ಹೊನ್ನು

                                ಗಣಪತಿ ಬರೆಯದೆ ಶಿವನನ್ನೆ  ಬರೆದರು

                                ಸಿಗುತ್ತೆ ಮನಸಿಗೆ ಶಾಂತಿಯ ಹೊದರು

                                ಹಾಡ್ಬೇಕು ಮ್ಯೂಸಿಕ್ಕು, ಬರಿಬೇಕು ಎಸ್ಸೆ

                                ಆಟವು ನೋಟವು ಎಲ್ಲವೂ ಟುಸ್ಸೆ

                                ಮಾರ್ಕ್ಸ್ ಕಾರ್ಡು ಹಣೆಯಬರದ ಠಸ್ಸೆ

                                ಈ ಸ್ಕೂಲು ಲೈಫ಼ಂತೂ ಬರಿ ಬೋರು ಪುಸ್ಸೆ

                                ಇಂದಿನ ಈ ನಿನ್ನ ಆಆಟದ ಹಂಬಲು

                                ಮುಂದಿನ ಬಾಳಿನ ದುಖಕ್ಕೆ ಮೆಟ್ಟಿಲು
                                ಚಿಕ್ಕಂದಿನಲ್ಲಿ ಓದಲು ಮಗುವೆ
                                ಮುಂದಿನ ಜೀವನ ತರುವುದು ನಗುವೆ

                                 ಹಗಲೂ ಇರುಳೂ ಆಟದ ಹಂಬಲು

                                ಮರೆಸಿತ್ತು ಎನಗೆ ಜೀವನದ ಗೋಲು  

                                ಒಪ್ಪಿದೆ ನಿನ್ನ ಮಾತು ತೆರೆಸಿದೆ ಕಣ್ಣು

                                ವಿದ್ಯೆಯೊಂದಿರಲು ಲೈಫ಼ದು ಸಿಹಿ ಹಣ್ಣು